ईकोनोमिक खबर, काठमाण्डौं।
सरकारले ७ प्रदेशका प्रमुख र मुख्यमन्त्रीकालागी सुविधा सम्पन्न भवन बनाउनका लागी सैबु आवास क्षेत्रमा आज देखि भवन निर्माणका लागी आज शुभारम्भ गरेको छ। यस निर्माणधिन भवनको प्रधानमन्त्री केपी शर्मा ओलीले शिलान्यास गर्नुभयो।
प्रदेशका प्रमुख र मुख्यमन्त्रीको सम्पर्क कार्यालय र निवासका लागि नयाँ भवनको सैँबु आवास क्षेत्र, भैँसेपाटीमा शहरी विकास मन्त्रालयले स्थान छनौट गरी सम्पूर्ण डिपिआर तयारपारी सरकारलाई बुझाएको हो।
यस सुविधा सम्पन्न स्मार्ट प्रविधिमा आधारीत भवन निर्माण हुने क्षेत्रमा करीब २७ रोपनी १२ आना जग्गामा ९७ करोड ११ लाख रुपैयाँको लागतमा निर्माण हुन लागेको हो।
आगामी दुई वर्षभित्र निर्माण हुने उक्त भवनमा सात प्रदेशका लागि सात ब्लक र प्रत्येक ब्लकमा तीन–तीन तले दुई भवन गरी कूल १४ अत्याधुनिक र सुविधासम्पन्न भवन बन्नेछ।
यस समुद्घाटन कार्यक्रममा प्रधानमन्त्री ओलीले सरकार पूर्वाधार र विकासका हरेक क्षेत्रमा तीव्र विकास गर्दै समृद्ध नेपालको परिकल्पनाका साथ अघि बढेको बताउनुभयो।
