
काठमाडौं । काठमाडौंको किर्तिपुर नगरपालिकामा प्रथम खुल्ला पुरुष मेयरकप फुटसल प्रतियोगित सम्पन्न भएको छ ।
चैत १ देखि शुरु भएको प्रतियोगिता ३ गते सम्पन्न भएको हो । प्रतियोगितामा काठमाडौं उपत्यकाका २० वटा टिम सहभागी भएका खेलकूल संयोजक ज्ञानेन्द्र महर्जनले जानकारी दिए ।
प्रतियोगितामा हिमालयन एफसी सामाखुशी प्रथम भएको थियो । उसले नगद ५० हजार सहित ट्रफि र मेडल प्राप्त गरेको छ ।
अन्तर्राष्ट्रिय फुटसल एलाइन्स नेपालको आयोजनामा भएको प्रतियोगिताको किर्तिपुर नगरपालिकाका उपप्रमुख शुभलक्ष्मी शाक्य र वडा नम्बर ६ का वडाध्यक्ष खिरमान सिंह बस्नेतले समापन गरेका थिए ।
उपप्रमुख शाक्यले पुरस्कृतहरुलाई सम्मान गर्दै आगामी दिनमा यस्ता प्रतियोगितालाई निरन्तरता दिइने बताइन् । प्रतियोगिताको आर्थिक सहयोग किर्तिपुर नगरपालिकाले गरेको थियो ।