ईकोनोमिक खबर, काठमाडौं।
लोकसेवा तयारीमा रहेका लाखौं युवाहरुको सपना चकनाचुर पार्ने समितिको लोकसेवा आयोगको विज्ञापन सम्बन्धि खारेजि निर्णय विरुद्ध लोकसेवा तयारी तदर्थ संघर्ष समितिको व्यानरमा माइतीघरमा भेला भएका विद्यार्थीको नाराबाजी सहितको विशाल जुलुस बानेश्वरतर्फ अघि बढ्यो। प्रहरीले अघि बढ्न नदिई फेरि नयाँ बानेश्वर बाट माइतीघर तर्फ नै फर्काइयो बेरोजगार युवाहरुको जुलुसलाई।
सोमबार राज्यव्यवस्था तथा सुशासन समितिले गत जेठ १५गते प्रकाशित सुचना लोक सेवा आयोगले कर्मचारी भर्नासम्बन्धी विज्ञापन रद्द गर्न निर्देशन दिएपछि सरकारी जागिरको सपना बोकेर काठमाडौँ छिरेको ठुलो युवापंक्ति निराशसँगै आक्रोशित भएका छन।
संघीय संसद प्रतिनिधिसभाको राज्यब्यवस्था तथा सुशासन समितिले संघीय मामिला तथा सामान्य प्रशासन मन्त्रालय र लोकसेवा आयोगलाई स्थानीय तहमा आह्वान गरेको विज्ञापन खारेज गर्न निर्देशन दिएको छ।
गत जेठ १५ गते आयोगले ९ हजार १६१ दरबन्दीका लागि विज्ञापन आह्वान गरेको थियो। उक्त विज्ञापन संविधानको भावना विपरीत समावेशी नभएको तथा स्थानीय तहको अधिकार क्षेत्र मिचेको निष्कर्ष सहित खारेज गर्न समितिले निर्देशन दिएको हो। तर अहिले समितिको निर्देशन नै कानुन विपरीत रहेको पनि चर्चा चलेको छ। सामान्य प्रशासन मन्त्रालयले भने लोकसेवा आयोगले अगाडि बढाएको कर्मचारी भर्ना प्रक्रिया संविधानसम्मत रहेकाले रद्द नहुने संकेत गरेको छ।
संसदीय समितिले स्थानीय तहमा तत्कालका लागि करारमा कर्मचारी नियुक्त गर्न निर्देशन दिएपछि लोकसेवा परिक्षाको तयारी गरिरहेका सयौं विद्यार्थी सडकमा उत्रिएका हुन् । लोक सेवा आयोगको विज्ञापन समावेशी नभए सच्याउन सकिने या विकल्प खोज्न सकिने विद्यार्थीको तर्क छ । तर विज्ञापन नै रद्द गरेर करारमा नियुक्त गर्ने निर्देशन राजनीतिक स्वार्थ र सांसदहरुका आफन्त भर्ना गर्ने चलखेल भएको विद्यार्थीको आरोप छ। स्वस्थ प्रतिष्पर्धा गराएर कर्मचारी भर्ना गर्ने लोकसेवा आयोगको प्रक्रियाा नमिच्न उनीहरुले चेतावनी दिएका छन्। ।
