काठमाडौं। लगातारको अविरल वर्षासँगै उर्लिएको रोशी खोलाले एक दर्जन पक्की घर बगाएको छ।
काभ्रेपलाञ्चोकको रोशी गाउँपालिका वडा नम्बर ९ नार्केमा रोशी खोलाको बाढीले आसपासका तटिए क्षेत्र कटान गर्दा करिब १२ घर बगाएको जानकारी प्राप्त भएको छ।
पछिल्लो ६ घण्टामा देशभर हल्कादेखि मध्यम वर्षा भइरहेको छ। कोसी, लुम्बिनी र गण्डकी प्रदेशमा भारी वर्षा मापन भएको जल तथा मौसम विज्ञान विभागले जनाएको छ।
विभागका अनुसार, हाल मधेस प्रदेश, लुम्बिनी प्रदेशको नवलपरासी (बर्दघाट सुस्ता पश्चिम), रूपन्देही, कपिलवस्तु, गण्डकी र वाग्मती प्रदेशको अधिकांश साना नदीहरूमा बहाब सतर्कता तह आसपास रहेको छ।
