ईकोनोमिक खबर, काठमाडौं।
श्रावण महिना भगवान शिवको प्रिय महिना हो, बारहरु मध्ये सोमबार शिवका लागी उत्तम मानिन्छ । यस दिनमा शिवलाई पुजाआजा गर्ने श्रद्धालु हरुको देवालय, शिवालयमा भिडभाड रहने गर्दछ, महिलाहरु हरीयो पहेलो चुरा, बस्त्र तथा पहिरनमा सजिने चलन अहिले ब्यापकरुपमा बृद्धिभएको छ।
पशुपतिनाथ, दोलखा भीमेश्वर, पनौतीको भालेश्वर लगायतका देशभरीका शिवालयमा साउन महिनाभर नै महादेवको विशेष उपासना गर्न श्रद्धालुहरूको ठूलो भीड लाग्छ। बेलपत्र, जल, पञ्चामृतद्वारा पूजाअर्चना गरिन्छ।
यो महिना र दिन शिवको स्तुति मानव तथा चराचर जगत्का लागि निकै कल्याणकारी रहन्छ भन्ने शास्त्रीय मान्यता रहिआएको छ। साउने सोमबारका दिन सबैभन्दा बढी श्रद्धालु आउने पशुपतिनाथमा नै हो। यो दिनका लागि विशेष तयारी गरेको पशुपति विकास कोषले जनाएको छ।
पशुपतिनाथमा बोलबम तीर्थयात्रीको आगमन भारतका विभिन्न प्रान्त बाट भक्तजनको आउने क्रम शुरुभएको पशुपति क्षेत्र विकास कोषले जनाएको छ, नेपालको ओम बोलबम काँवरिया सङ्घले भने साउन महिनाको अन्तिम दुई सोमबारका लागि पशुपतिनाथमा बोलबंम यात्रीहरुको दर्शनको लागी तय भएको काँवरिया सङ्घले जनाएको छ।
