ईकोनोमिक खबर, काठमाडौं।
सञ्चार तथा सूचना प्रविधिमन्त्री गोकुल बास्कोटाले डेंगुको संक्रमण नियन्त्रण बाहिर नगएको दाबी गर्नु भएको छ । मन्त्रिपरिषद्का निर्णय सार्वजनिक कार्यक्रम सञ्चारमन्त्रालयमा आयोजित नियमित पत्रकार सम्मेलनमा उहाँले डेंगुको संक्रमण नियन्त्रण बाहिर नगएको बताउनु भएको हो । ‘डेंगु फैलिएको छ, धेरैलाई दुःःख दिएको छ। तर नियन्त्रण बाहिर गएको छैन’, उहाँले भन्नुभयोे, ‘वैशाख देखि डेंगु फैलिएको हो । सरकारले काम गरिरहेको छ । यसमा स्वास्थ्य मन्त्रालय र यसका निकायहरु अझै सक्रिय छ ।’ मन्त्री बास्कोटाले डेंगु बाट विश्वका तीन अर्ब मानिस जोखिममा रहेको विश्व स्वास्थ्य संगठनको भनाइ उद्धृत गर्दै सरकारले नागरिकको उपचारको स्रोत साधन मिलाइरहेको दावी गर्नुभयो ।
५६ जिल्लामा डेंगुको संक्रमण
वैशाख अन्तिम साताबाट तराई देखि फैलिएको डेंगुको संक्रमण अहिले सम्म ५६ जिल्लामा फैलिसकेको छ । स्वास्थ्य सेवा विभागको इपिडिमियोलोजी तथा रोग नियन्त्रण महाशाखाका अनुसार अहिलेसम्म प्रदेश नं. १ को ९ , प्रदेश नं. २ को ७, प्रदेश नं. ३ को १२, गण्डकी प्रदेशको १०, प्रदेश नं. ५ को ११, कर्णाली प्रदेशको २ र सुदूरपश्चिम प्रदेशको ५ जिल्ला गरी देशभर ५६ जिल्लामा डेंङ्गुको संक्रमण फैलिएको छ ।
अहिले सम्म डेंगुको संक्रमणबाट ६ जनाको मृत्यु भएको महाशाखाले जनाएको छ । मृत्यु हुने मध्ये काठमाडौँमा २ र सिन्धुपाल्चोक, सुनसरी, चितवन र डोटीमा एक—एक जना रहेका छन् ।
संक्रमणमा ३८९९ मानिसमा डेंगुको नयाँ बिरामी थपिएको महाशाखाले जनाएको छ । थपिएको यो संख्या सँगै वैशाखदेखि यता बिरामी ७ हजार भन्दा बढि संक्रमीत रहेको जनाइएको छ ।
अहिले सम्मको प्रदेशगत रुपमा सबै भन्दा धेरै संक्रमित र मृत्यु हुनेको संख्या प्रदेश नं.३ मा देखिएको छ । प्रदेश नं. ३ मा अहिलेसम्म ४ जनाको मृत्यु भएको छ भने साउनदेखि यता २ हजार १० जना नयाँ बिरामी थपिएका छन् । यस्तै साउनदेखि यता प्रदेश नं. १ मा ८३१, प्रदेश नं.२ मा ३९, गण्डकी प्रदेशमा ८९६, प्रदेश नं. ५ मा ९७, कर्णाली प्रदेशमा ३ र सुदूरपश्चिम प्रदेशमा २३ मा डेंगुको संक्रमण देखिएको छ।

डेंगु ज्वरो
डेंगु ज्वरो एक गम्भीर फ्लु जस्तो बिमारी हो, जसले जुनसुकै उमेरका व्यक्तिलाई पनि असर गर्छ। डेंगु ज्वरोका लक्षणहरू अन्य धेरै भाइरल फेवरहरूलाई ओभरल्याप गर्दै छन्। त्यस कारण डाक्टरहरूद्वारा यसलाई बारम्बार गलत निदान गरिन्छ। आजको परिदृश्यमा, जहाँ डेंगु संक्रमण यत्तिको व्यापक फैलिएको छ कि बिरामी, तिनका आफन्त र स्पष्ट डाक्टर पनि रोगका लक्षणबारे चिन्तित हुनुपर्छ।
डेंगु ज्वरो उपचार
डेंगु एक स्वयं(सीमित संक्रामक भाइरल रोग हो। यद्यपि डेंगुका बिरामीहरूको लागि उचित चिकित्सा स्याहार आवश्यक छ तर डेंगु ज्वरोको कुनै खास उपचार छैन। डेंगुले धेरै मध्यमदेखि गम्भीर लक्षणहरू निम्त्याउँछ। डेंगु ज्वरो उपचारको लागि उचित आहार अनुसरण गर्नु आवश्यक देखिन्छ ।