ईकोनोमिक खबर, बिदेश विभाग।
यौनशोषणको आरोप लागेका भारतका पूर्व केन्द्रीय मन्त्री स्वामि चिन्मयानन्द पक्राउ परेका छन्। उनलाई उत्तर प्रदेशको विशेष अनुसन्धान टोली एसआईटीको टोलीले शाहजहान्पुरबाट पक्राउ गरेको भारतीय संचारमाध्यमहरुले जनाएका छन्। पक्राउ पछि शाहजहान्पुर जिल्ला अदालतले उनलाई १४ दिनका लागि न्यायिक हिरासतमा पठाएको छ।
चिन्मयानन्दलाई आफ्नै घरबाट पक्राउ गरिएको उनका वकिल पूजा सिंहले बताईन्। कानूनकी एक छात्राले पूर्व केन्द्रीय मन्त्री चिन्मयानन्द माथि यौन शोषणको आरोप लगाएकी छिन्। यससँग सम्बन्धित एउटा भिडीयो सामाजिक सञ्जालमा भाईरल समेत भईरहेको छ।
स्वामी चिन्मयानन्दले भने आफूमाथि लागेको आरोप अस्विकार गरेका छन्। आफुले छिट्ठै एउटा विश्वविद्यालय निर्माण गर्न लागेको र त्यस कार्यमा बाधा पुर्याउन खोज्नेहरुले आफूविरुद्ध षड्यन्त्र गरेको उनको आरोप छ।
