इकोनोमिक खबर,
काठमाडौं। सिटिजन्स बैंक इन्टरनेसनल लिमिटेडले ‘सिटिजन्स बारापर्सा हुरी पिडित राहतकोष २०७५’ स्थापना गरेको छ।
बैंकले बारा र पर्सामा आइतबार साँझ आएको विनाशकारी हावाहुरीबाट भएको अकल्पनिय जनधनको क्षतिबाट पीडित व्यक्ति तथा प्रभावित परिवारलाई सहयोग गर्न उक्त राहतकोष स्थापना गरेको हो।
बैंकले आइतबार राति बारा, पर्सालगायत तराईका विभिन्न स्थानमा आएको भीषण हावाहुरीबाट प्रभावितका लागि राहत स्वरुप राहतकोषमा दस लाख सहयोग जम्मा गर्ने निर्णय गरेको जनाएको छ। साथै बैंकले प्राकृतिक प्रकोपमा परी ज्यान गुमाउने प्रति श्र द्धा ञ्जलि व्यक्त गर्दै शोकाकूल परिवारजनमा समवेदना प्रकट गरेको छ।
बैंकले गरेको सामाजिक उतरदायित्वको यो कार्यलाई हातमा हात मिलाउँदै पीडितहरुको दुःखको घाउमा मलम लगाउन आर्थिक सहयोग गर्न इच्छुक महानुभावहरुले आफुलाई पायक पर्ने सिटिजन्स बैंक इन्टरनेसनल लिमिटेडको जुनसुकै शाखा कार्यालयबाट ‘सिटिजन्स बारापर्सा हुरी पिडित राहतकोष २०७५’ को खाता नं ००१०१००००३१६७२०१ मा रकम जम्मा गर्न आग्रह गरेको छ।
खातामा सहयोग गर्नेहरुको नाम ठेगाना र सहयोग रकम बैंकको वेवसाईट तथा सूचनापाटीमा प्रकाशित गरिने बैंकले जनाएको छ।